أنا المصري
 إبن نكتة .. ودمي خفيف ..
مهما أكون مهزوم وضعيف ..
أضحك من حالي واللي بيا
حمال أسية ..
شيال هموم ..
مش بس همومي أنا لوحدي ..
والناس كمان من حواليا إيدي تتلف ف حرير ..
بافهم في حاجات كتير ..
مش بس سبع صنايع ..
دول قرَّبوا يبقوا مِية
الفهلوة والحداقة ..
الخفة والفتاكة ..
دي حاجات بدايتها عندي ..
وإتولدت على إيديا
باصدق السياسي ..
وأخاف من قلب قاسي ..
وأدعي لكن في سري ..
ع الشلة المفترية باتفلسف ع المواجع ..
وباسلِّم ع اللي راجع ..
وأرسمله جمل وكعبة ..
وأدعي يكتبها ليا
باحب الصوت العالي ..
والأفراح والليالي ..
والنُقطة والمجاملة ..
دول دايماً دِين عليا عروسة المولد وحصان ..
الزينة وفانوس رمضان ..
وعيدية وبمب وصواريخ ..
باستناهم بالدقيقة والثانية
وباحب الفول م العربية ..
والراديو ساعة الصبحية ..
والبخت وكلمات متقاطعة ..
والشاي دا أهم من الميه
واشتري أصناف جديدة ..
لو بــِيه أو ع الحديدة ..
ما دام مكتوب عليها ..
واحدة والتانية هدية
من غير ما اروح مدارس ..
قلبي عارف وحاسس ..
فجرك يا بلدنا راجع ..
مهما إتأخر شوية لـ الشاعرة: دعاء عبدالوهاب |
|
--
Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ ♥Ƹ̵̡Ӝ̵̨̄Ʒ ♥Ƹ̵̡Ӝ̵̨̄Ʒ ♥ Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ
لقد تلقيت هذه الرسالة لأنك مشترك في مجموعات Google مجموعة "الفراشات".
لتقييم رسائلنا انقر على الوصلة التالية
http://www.grank.com/in.php?id=zhoor33 الرسائل تعبر عن رأي مرسلها و ليس رأي المجموعة
لإرسال رسالة إلى هذه المجموعة، قم بإرسال بريد إلكتروني إلى
butterflies-group7716@googlegroups.com
للاشتراك في هذه المجموعة قم بإرسال بريد إلكتروني إلى
butterflies-group7716+subscribe@googlegroups.com
لإلغاء الاشتراك في هذه المجموعة، ابعث برسالة إلكترونية إلى
butterflies-group7716+unsubscribe@googlegroups.com
Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ ♥Ƹ̵̡Ӝ̵̨̄Ʒ ♥Ƹ̵̡Ӝ̵̨̄Ʒ ♥ Ƹ̵̡Ӝ̵̨̄Ʒ♥ Ƹ̵̡Ӝ̵̨̄Ʒ
لخيارات أكثر، الرجاء زيارة المجموعة على
http://groups.google.com.sa/group/butterflies-group7716?hl=ar رسائلنا لإسعادكم لا لإزعاجكم
اذا واجهتم اي مشكلة في الغاء الاشتراك ارسل الى مدير المجموعة طلب الغاء الاشتراك على العنوان التالي
butterflies.group7@gmail.com
وسوف يتم فورا الغاء اشتراككم فرضائكم هدفنا
ليست هناك تعليقات:
إرسال تعليق